PANOTHEA

PANOTHEA

una ex Apollinis (de quo vide suô locô) vatibus, inventrix Heroici carminis, sub Abante Argivo, vel Acrisio, floruisse dicitur. Sic Iambum, ut aiunt, Ananias reperit, perfecit Archilochus Parius. quisque auctor sit Pherecratii, Archilochii, Anacreontei, Sapphici, Phalaecii, Glyconii, Asclepiadei, Alcmanii, ipsâ appellatione indicari videtur. Quamvis credibile est nomen interdum datum, non ab Auctore; sed eo, qui praecipue illud nobilitaverit. Gerh. Ioh. Voss. de Philologia c. 9. §. 6. Scaliger Phoemonoem, vocat, illamque primam exstitisse, quae eô carminis genere fuerit vaticinata, tradit: ideoque versum Heroicum Pythium vocari, quia Apollinis inventum esset, ait, Poetices l. 2. qui et Hyle, c. 37.